الغاء حفلة الفنان جورج وسوف في صافيتا

لقد تم الغاء الحفل الذي كان مقررا اليوم للفنان جورج وسوف في صافيتا
فبعد توافد الحضور الى مكان الحدث لمشاهدة وسماع الفنان الكبير فوجئ الجميع بعد بداية الحفل وقبل صعود الوسوف على خشبة المسرح بانقطاع مفاجئ للكهرباء تم بعده الاعلان عن الغاء الحفل

هذا وتشير الانباء التي وصلتنا الى احد سببين:

الاول : يقول عطل في محولة الكهرباء في مكان الحفل

والثاني : يقول انه وبعد انقطاع الكهرباء رأى مدير اعمال الوسوف في مكان الحفل امورا لم يرضى عنها فقام بالغاء الحفل

الحادثة لم تكن الاولى فمنذ قرابة الشهرين تم الغاء حفل للفنان الوسوف في مدينة حمص بناء على خلافات بين المتعهد والفنان

سنوافيكم بالتفاصيل والمعلومات المؤكدة فور توافرها

اود ان اشكر مراسلينا من قلب الحدث ابو ناجي وابو حليم على موافاتنا بالتفاصيل
ونحن بانتظار التأكيدات منهم

شكرا لكم

كانت خيبة أملنا كبيرة خصوصي بعد ما سمعنا الفرقة و هيي عم تعمل البروفا الرائعة و شفنا مستوى الاضاءة و الصوت الرائع جدا جدا و بلشنا ننتظر حفلة بتاخد العقل
ولكن اللي صار انو محولة الكهرباء اللي موجودة بالمنتجع ما تحملت على ما يبدو كمية الاضاءة و الصوت الهائلة
يعني ما صار انفجار و لا شي
صراحة انا من اول ما فتت عالمنتجع في شي ما عجبني يعني صارت الساعة 10 و لسا ما في حتى نسبة قليلة من العالم مع العلم انو بالعادة حفلات جورج وسوف بتنتلي قبل ست او سبع ساعات من بداية الحفلة
و بلشت المشاكل بعدين ....يعني و الله الحق مع العالم انو في ناس جايي من الاردن و لبنان و الشام و اللادقية و حلب و حتى من دبي يعني والله عيب اللي ما فيه ينظم هيك حفلات ليش ليحرج حالو مع العالم و مع نجم كبير متل الوسوف
يلا خيرا بغيرا
بس والله انا اذا كنت زعلان على شي زعلان عاسم صافيتا كنت بتمنى انو تنجح الحفلة بلكي بيصير حركة اكتر عالبلد
يلا نشكر الله عكل شي
ملاحظة وصلني خبر انو الجماعة عم يردوا حق البطاقات

والله انا زعلان ع الناس لراحت ع الحفلة ولجاي من مناطق بعيدة من سوريا وخارج سوريا
وانا كمان كتير زعلان عالفنان الكبير ابو وديع المفروض مايصير معه هيك شي ابدا
والمفروض يكون في دراسة اكبر من قبل مدير اعمال الوسوف عن مكان الحفلة واصحاب المنتجع هيدا وعن كل الامور الصغيرة ولكبيرة وبتكون متعلقة بنجاح الحفلة

ملاحظين انو عم تتكرر هالحركة كتير بالفترة الاخيرة..

انا قلتلون انو ما رح يجي,ما حدا صدقني..

والله شي مؤسف خبر مزعج كتير كتير كتير..... وشو ما كان السبب ومهما عظم مارح يكون ألو تبرير لأنو هوي اسمو منتجع ويا لطيف .. مانو سبرماركة أو قن جيج ..... والله عيب ,,شكرا عالنقل الحي من قلب الحدث

شي بخجل يعد ما أجت العالم من خارج سوريا منشان تحضر الحفل وبالأخير هيك بصير هيدى شي مؤسف وبخجل
وبيضرب بسمعة البلد ........

المشاركة الأصلية كتبت بواسطة enana        قديش في فرق بين حفلة ابو وديع بقلعة دمشق وبين اللي صار مبارح

اي والله الشباب كانوا بالشام و حضروا الحفلة و دقولنا و سمعونا شوي عالموبايل كانت بتاخد العقل و نحنا بلشنا نحضر حالنا لحفلة صافيتا.............بس شو بدنا نعمل

اقتباس      المعنى انو البطاقات غير مباعة

100% ما كان مباع أكتر من 800 بطاقة لاء و في عالم عم تقول 650 على كلن لحدود الساعة 11.30 ما كان في 400 شخص بالمدرج يعني هالحكي منطقي
و انا بلشت شك انو قطع الكهربا يمكن يكون مفتعل لتغطية الفشل في بيع البطاقات و تنظيم الحفل

عنجد الموضوع غريب
اذا كانت البطاقات غير مباعة فليش الناس ما اشترت علما انو الحفلة مو لمين ما كان
هيدا ابو وديع

ع كل خيرا بغيرا ابو ناجي
والله زعلت من قلبي عالشباب يلي بيحبو ابو وديع