| |  |
| | |
| |||||||
| منتدى حياتنا الإجتماعية القضايا الاجتماعية التي نعيشها ونبحث لها عن حل |
 « آخـــر الـــمـــشـــاركــــات » |
 |
| | LinkBack | أدوات الموضوع | انواع عرض الموضوع |
01-07-2009, 12:07 AM
| ||||||||||
| ||||||||||
 زعلان/ة من اهلي .. ما بدي حاكيون حالة ما او حادثة او امر ... سموها كما تشاؤون انما هي كثيرا ما نصادفها في مجتمعاتنا ... الابن وقضية خصامه مع اهله - ان كان عازبا كثيرا ما نصادف هذه الحالة ... بيزعل الشاب من اهله وبيبطل يحاكيون لاتفه الاسباب ( متى وكيف) ...اما الفتاة العازبة فنادرا ما نرى هذه الحالة عندها - الابن المتزوج يخاصم اهله والاسباب معروفة البنت تخاصم اهلها وكثيرا كثيرا ما يكون الزوج هو السبب ما رايكم في هذه الظاهرة القديمة المستجدة .. مع تطور قوانين حقوق الانسان ...
  |
| اعلانات |
|
01-07-2009, 07:59 AM
| ||||||||||
| ||||||||||
| رد: زعلان/ة من اهلي .. ما بدي حاكيون اما الفتاة العازبة فنادرا ما نرى هذه الحالة عندها طبيعة تكوين المراة والحنان والعاطفة الكبيرة التي تمتلكها وكونها ام رمز الحنان ربما يكونوا هم الرادع لها في القسوة على الاهل ومخاصمتهم بينما نلاحط نسبة جيدة من الشباب ما ان ينزعج من راي اهله فانه يعاديهم .. وبيزعل قال صباحك ورد اسعد بانتظارك
|
|
02-07-2009, 12:37 AM
| ||||||||||
| ||||||||||
| رد: زعلان/ة من اهلي .. ما بدي حاكيون ست الكل بتعرفي شو المشكلة الأساسية..... المشكلة هي التدخل من قبل الأهل بحياة الزوجين (قصص الحماية ...ومن هالحكي ..) بتخلق حساسيات ..وبتعمل زعل وانو الرجل يقاطع اهلو أو أهل مرتو..ونفس الشي بالنسبة للمرأة وكمان عدم التوازن ...لما بيكونو المتزوجين من بيئتين مختلفتين يمكن ما يصير مقاطعة ..بس يصير أنو المرأة أو الرجل يبتعد عن البيئة يلي - برأيو - ما تزبط معو وبيصير جفا وحكي ع بعض النميمة والسطحية الموجودة عند الناس بتخلق مشاكل ... أما بالنسبة للعزابية ...الشب أو البنت بتصير المقاطعة لما الأهل وقت بتسألون (ليش؟؟؟؟) ..بيجاوبووك جواب جائر أو غير مقنع أو ظالم بكتير أمور بتخص الحياة ...الشب بيتمرد أكتر لأنو شب...أما البنت لانو مو بإيدا وضعا صعب بالمجتمع الشرقي...يعني شو رأيو المجتمع ببنت تمردت ع أهلا و راحت عاشت لحالا مثلا ...شو رأيو المجتمع ....ما بيرحم..لهيك البنت ما بتتمرد أما الشب كتيير من الأحيان بيرووح وبيسكن لحالو... أنا رأيي الحل الوحيد للمشكلة....الوعي والتوازن ... يعني مو عيب يوصل الوضع أنو حدا يقاطع أهلو ....أبشع من هيك ما عاد في!!! شكرا ست الكل
|
|
02-07-2009, 12:38 PM
| ||||||||||
| ||||||||||
| رد: زعلان/ة من اهلي .. ما بدي حاكيون اهم اسباب هالمشكلة هو التدخل الكتير من الاهل وعدم وعي الشاب كمان النقاش والحكي بينن هو الحل لهيك نوع من المشاكل كلشي بالرواق بيمشي اما من ناحية انو الشب بتصير معه اما البنت نادرا بعتقد لانو البنت بمجتمعنا حياتها صعبة يعني فرضا تجادلت هيي واهلها وتركت البيت , وين بتروح؟؟ واذا راحت الناس رح تحكي عليها , واذا حبت ترجع لعند اهلها ب اي عين رح تواجههم قد ماصار جدالات ومشاكل بين البنت "خاصة" والاهل مالازم توصل معها انو تترك البيت او حتى تزعل من اهلها لانو بالنهاية ماالها غيرهم بهالدنيا وكيف ماراحت وكيف مااجت مرجعها لعندن اما الشاب فقدرته ع العيش لوحده اسهل , لانو المجتمع راحمه اولا , تانيا مو الكل بيفرق معهن انو زاعل اهله ومشي , لانو بيفكر سلف انو اهله رح يرضوا عليه اذا رجع لعندن برجع وبقول انو النقاش .. والحكي بالمشكلة بين الصبي او البنت وبين اهلن هيي افضل حل لعدم الوقوع بقصة انو يتركوا البيت او تتفاقم المشكلة اما بالنسبة للابن المتزوج فمعظم مشاكله مع اهله بتجي من ورا قصص الحماية والكنة , امه بتحبو يتصرف هيك وياكل هيك ويلبس هيك وهديك بتقلله انا بدي تعمل هيك ليك امك حكت ولطشتني حكي , ليك زوجتك شو قالتلنا ع الاقل تحترم انو نحنا اهلك يعني لازم ياتكون البنت عقلها كبير يالام ....
|
|
03-07-2009, 09:40 AM
| ||||||||||
| ||||||||||
| رد: زعلان/ة من اهلي .. ما بدي حاكيون
من الصعب على الانسان ان يفارق اهله ولو استطاع فراقهم فانه لن يكون مرتاحا حتى لو اظهر عكس ذلك فالارتباط مع الاهل مهما كانوا سيئين او الابن سيء فانه من الصعب انفكاكه ارى ان من يبتعد عن اهله يخسر الكثير لكن في حالات قليلة تبقى خسارته اقل مما لو بقي بينهم لكن مهما حصل مع الاهل فالقطيعة غير مبررة بتاتا شكرا انانا
|
|
03-07-2009, 11:42 PM
| ||||||||||
| ||||||||||
| رد: زعلان/ة من اهلي .. ما بدي حاكيون مع معرفتنا ان الابناء الذين يخاصمون اهلهم انهم في قرارة نفسهم يعرفون انهم ارتكبوا خطا ما الا انهم لن يتراجعوا عن قراراتهم وذلك ارضاءا لغرورهم وقلائل جدا من يندمون بعد مرور وقت قصير ويعترفون بالخطا شكرا لارائكم احبتي تحياتي لكم
|
|
04-07-2009, 02:24 PM
| ||||||||||
| ||||||||||
| رد: زعلان/ة من اهلي .. ما بدي حاكيون
كلنا ممكن نختلف مع اهلنا بكتيير جوانب.. بس ما لازم نعمل هيدا الشي سبب للزعل او الخصام.. لأن بالأول والأخير الأهل هنن أكتر مين بيحبنا وبيخاف علينا.. ومصلحتنا هي همن الأول والأخير.. وممكن يكونوا شايفين شي مناسب لإلنا.. إذا فشلوا بإقناعنا بهيدا الشي.. مو لازم تكون مشكلة.. بيضل الضفر ما بيطلع من اللحم..
|
|
| مواقع النشر (المفضلة) |
| الكلمات الدلالية (Tags) |
| اهلي , حاكيون , زعلان/ة |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
| | ||
| Safatly.com on Facebook |
| |
| إن الموقع لا يتحمل أي مسؤولية بالآراء المطروحة، و ليست
بالضرورة تمثل رأي الموقع | |||
| |
العرض العادي
