مدرسة الرشيد..

ابو حليم · 29-06-2009, 03:15 PM

متل ما وعدت عمي غسان انو صورلو مدرسة الرشيد

وهي الصور قبل ما يبلشو بالهدم

ENANA · 29-06-2009, 03:31 PM

هيدي المدرسة مع اني ما تعلمت فيها

بس الها مكان خاص بقلبي

لاننه اول شي حد بيتنا

تاني شي كل ما تطلعت فيها برجع لطفولتي

لايام الحارة

للناس الطيبين

بس هلق وبعد قرار الهدم واعادة انشاء بناء حديث

حسيت انو شي راح ... انتهى وانقهرت عليها كتير

بلشوا الهدم .. للاسف

غصة بالقلب رح تضل

شكرا ابو حليم على الصور

N.B.L · 29-06-2009, 06:04 PM

مع اني ما تعلمت فيها لاني تعلمت بلبنان.

بس مرقت فترة كانت بعدها المدرسة بعد ما رجعنا من لبنان,وكنا نسمع صوت الاستاذ عالطريق وكيف

بيعطي الدرس للطلاب,كان الشرح افضل من هلق..

مشكور ابو حليم..

the blue shadow · 29-06-2009, 11:06 PM

كانت مستودع كتب
كنت روح مع انانا وقت بدها تستلم كتب المدرسة

كلشي عم يروح مع التطور

رشروش · 30-06-2009, 10:20 AM

شكلها كانت كتير حلوة

انا حبيت الحجار البيض

يعني بدال ما يهدموها ما كان فيت يعملوها متحف او اي شي بيدل عالتراث

غسان رزق العلي · 30-06-2009, 11:56 AM

اه يا مدرستي

يا من علمتني القرائة والكتابة في بعض هذه الصفوف

هنا على اليمين كان صفي وكان خي جمال يصعد من نافذته ويخرج الى عند عيسى المخول ويشتري ما يريده ويعود من الشباك نفسه ، والأستاذ الله يرحمو على ما اعتقد ابراهيم كان لا يراه ، وهنا كن يوجد ايضا على الشمال بركة ماء ،
ودرج المدرسة من قبال بيت خالتي

في اخر الصورة على اليمين كانت الأدارة وعلى الشمال الصف الذي انهيت منه صف السادس

وبعدهم كان يوجد الملعب الفوقاني للصغار و الملعب التحتاني للكبار ودرج الحارة كان في اخر سنتين من ضمن ملعب المدرسة (( اي في 1970 ))

هنا على ما اذكر كانو يجلسون المعلمات والمعلمين ويشربون القهوة ويأكلون التبولة

في وقت الفرصة

لك مدرستي التي هي علمتني حب بلدي لبنان الف تحية اجلال واكبار لكل ذكرياتك الطيبة والقاسية في ان معا

ولا انسى يا ثلج قد هيجت اشجاني ذكرتني اهلي بلبناني

وسقف بيتي حديد وركن بيتي حجر

ويا بلادي بحبك شادي صوت الشحرور

التطور العمراني يجعلني اقف حزين عند عتبة هذه المدرسة ، والحزن ينغص عيشي ايضا كونه عندي شعور ان جنينة مطانيوس الأسعد بدها تصبح بناء كبير يمتدة حتى الحارة

ست الكل وال القحط الكرام اعزيكم على زوال المدرسة والجنينة التي هي ملاصقة لبيتكم

الله يقدرني شوف الجنينة قبل زوالها

ابو حليم الشهم لك مني كل المحبة والود والأحترام
واشكرك جزيل الشكر على ما قدمته لي في هذا الموضوع الحزين نسبيا

وارك بخير السبت او الأحد

أليسا · 30-06-2009, 03:38 PM

كنت اسمع فيها ... بس ما كنت اعرف انها هون
مع اني من الحارة بس كنت مفكرتها من اصلها مستودع كتب

شكرا الك ابو حليم على الصور الحلوين
وشكرا الك عمو غسان لانك عرفتنا على اقسام المدرسة

AS3AD · 01-07-2009, 10:43 AM

كانت بناء كتير مميزة واشجار البرتقال يلي حولها
مع الاسف كثير من الاشياء القديمة والحدائق الخضراء في صافيتا الى زوال
وهذا جزء من الامتداد الطبيعي لنا كبشر ولا يمكن ايقافه

تصوير تلك المناطق قبل زوالها فكرة جميلة (لجأت اليها بعد ان شعرت بكم الاختلاف الذي يحدث)
لتبقى تلك الاماكن في ذاكرتنا على الاقل وكي نخبر اولادنا في المستقبل كيف كانت صافيتا

شكرا ابو حليم

ENANA · 03-07-2009, 11:35 PM

هيدي صورة للمدرية

وقد تم تفكيك الطابق السكني المبني فوقها واليوم وصلوا اليها

المدرسة باتجاه السهم

AS3AD · 04-07-2009, 01:34 AM

شكرا انانا ع الصورة
بكرا رح تصور الصورة ذكرى لبناء لم يعد موجودا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه للموضوع: مدرسة الرشيد..
الموضوع	كاتب الموضوع	المنتدى	مشاركات	آخر مشاركة
طالب في الثانوية يطلب قبلة من مدرسة	سمعان	اخبار منوعة	17	24-02-2009 03:05 AM
الحياة مدرسة	غسان رزق العلي	منتدى حياتنا الإجتماعية	12	20-12-2008 01:08 PM
الأنتقال من مدرسة الرشيد الى ثانوية الرامي	غسان رزق العلي	ذكريات	8	29-08-2008 09:48 AM
30 طالباً حصلوا على العلامة الكاملة ونسبة النجاح 69.64%	ENANA	اخبار البلد	0	29-07-2008 09:10 AM
منتدى قدامى مدرسة الرشيد	غسان رزق العلي	ذكريات	13	25-05-2008 05:42 PM

الذين يشاهدون محتوى الموضوع الآن : 1 ( الأعضاء 0 والزوار 1)


إن الموقع لا يتحمل أي مسؤولية بالآراء المطروحة، و ليست بالضرورة تمثل رأي الموقع مع الأخذ بأن الحقوق محفوظة لأي مادة تنشر للمرة الأولى لكاتب المادة ولموقع "صفتلي".