امي تسلم عليكم وتقول عندكم طماطم

أنا ما بعرف الجيرة أيام زمان....بيقولو كانت أقوى
بس الوضع حاليا مانو سيئ هالقد...بسوريا ...أنا عشت وجيرانا قدامنا ..أحسن وأطيب ما يكوون...
لما كنا صغار بعد المدرسة ننسى المفتاح ..نرجع نقعد عندون ونتغدى معون ...وهلأ بشتقلون كتيييير

يعني ما بعرف بأيام زمان..بس هلأ...مو هالقد الوضع عاطل...

شكرا ساكو..

شكرا للجميع عالردود الحلوة ..........صح هالايام متوفر كلشي بالسوق وما حدا مضطر يستعير شي من عند جارو ......بس السوق ما وفرّ الألفة اللي كانت موجودة من زمان ولا وفرّ الجيرة الحلوة اللي يمكن قسم كبير ما عاشها ............. انا بتذكر منيح سنة 1982 وقت ما كان في شي بالبلد ( لا اكل ولااي شي ) وقت الحصار الاقتصادي ع سورية صدقو لولا حب الناس لبعضها البعض ما كان صمدت سورية بوجه هالحصار ........انا طول عمري ساكن بالمدينة ( يعني بمنطقة ابعد ما تكون عن الالفة مقارنة بالضيعة ) بعرف اذا امي طبخت طبخة والله كانت الحارة تاكل منها واذا جارتنا طبخت كمان بتطعمي الحارة منها وهيك كل الجيران..........اذا حدا مرض كنا نضل معو ع طول والفرح كان جماعي والحزن كمان كان جماعي

الله يرحم ايام زمان ............. كانت احلى من هالايام رغم فقرها وصعوبتها

بالحقيقة أحياناً بعض الجيران بيزيدوا كتير لأنو بيضلوا طلبات , أنا مع أنو يكون في حب ومودة بين الجيران, بس يكون الموضوع بلباقة, فكما يقول المثل الحياة أخذ وعطاء. وأنا يعتقد أنو ضغوطات الحياة وسرعتها هي اللي عملت البعد بين الناس ومتطلبات الحياة الكثيرة جعلت الإنسان أحياناً ينسى جاره ويهتم بتأمين معيشته ومعيشة أولاده ولم يعد بإمكانه قضاء اوقات طويلة في الزيارة مثل السابق. بس بدكون الصراحة رزق الله عا ايام زمان شو قليلة أم الطنافس.