يا مهاجر....

N.B.L · 09:03 PM

بيقولو غالي والطلب رخيص..

وهيدي بناءً على طلب احد الاعضاء..انشالله تعجبكون

يا مهاجر الاوطان رسمالك..................... ضيعة ملانة زهور كرمالك

بتشوفها بشهقة صباح النور................... كل ما التقيت يرزقك قبالك

بتشوفها بمحبة الجمهور......................... برجال كانو متل افضالك

بتشوفها برفّة جنح عصفور....................... اول رسالة شوق ودّالك

تركت الوطن حامل اسم مشهور.............. وعززت شغلك من شغل بالك

ومن بعد ما كان العمل مغمور..................عمّرت الدني بخيرات اعمالك

عود ولا تترك هالجبل مهجور.................... بلادك اعز عليك من حالك

ارجع لبْلادك الْملانة زهور.......................... بيحمرّ خد الورد بسلالك

برمت الدني وحوّلتها معمور.................... لا تترك الغربة تحصد غلالك

Natali · 20-05-2009, 08:27 PM

حلوة كتيييير عمو نبيل .....شكرا لكلماتك الجميلة ....الوطن أخ الوطن ما منعرف قيمتو لحتى نبعد عنو
تحياتي عمو نبيل .......

the blue shadow · 20-05-2009, 08:39 PM

اقتباس برمت الدني وحوّلنها معمور.................... لا تترك الغربة تحصد غلالك

الوطن احق بناسه

يسلم تمك

سمير هلال · 20-05-2009, 11:15 PM

حلو يا عميد وتقّبل مني بيت هالعتابا ,

أذا عالبال ما كنتو خواطلر ......... مفينا بالشعر نكتب خواط

نحنا أهل والدنيا خواطر ......... رجعو لا تطّولو علينا الغياب

ENANA · 21-05-2009, 12:03 AM

متل ما تعودنا عليك ..

كلمات بتخلي القلب يفرح ويسمع والشوق للوطن يولع

غسان رزق العلي · 21-05-2009, 02:11 PM

اه اه اه يا عميد زجلات بترد الروح

وكلام موزون وبيقول عن بلدك ما تروح

تسلم يا الغالي الله يطول بعمرك

walid_gha2000 · 22-05-2009, 12:45 PM

يعطيك العافية الغالي نبيل ويسلم ثمك على الكلام الرائع .

N.B.L · 22-05-2009, 09:35 PM

بيتغربوا الناس..

قسم منهم بيتوفق,وبيبقى بالغربة وبينسى..

وقسم بيفشل وانشالله ما حدا بيفشل من المغتربين,وبيبقوا بالغربة خجلا من العودة..

والبعض منهم بيرجع,بعد ما بيكون امّن حالو..

لكن رغم كل هالشي بيبقى الحنين للوطن ما الو مثيل..على امل انو يرجعوا كل المغتربين..

شكرا للجميع على ردودكم الطيبة..

ديانا · 22-05-2009, 10:27 PM

عود ولا تترك هالجبل مهجور.................... بلادك اعز عليك من حالك

ارجع لبْلادك الْملانة زهور.......................... بيحمرّ خد الورد بسلالك

برمت الدني وحوّلتها معمور.................... لا تترك الغربة تحصد غلالك

الله ايه شو هالكلمات الرائعة

يلي بتلامس القلب

ملك وبتضلك ملك

يسلم تمك يا غالي

N.B.L · 26-05-2009, 06:42 AM

يسعدلي صباحك ..

ما في اصعب من الغربة,والوطن بحاجة للمغتربين,في ناس كتير منهون بيعملو تاثير كبير بوجودون..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه للموضوع: يا مهاجر....
الموضوع	كاتب الموضوع	المنتدى	مشاركات	آخر مشاركة
مهاجر يغتصب بريطانية ليتعلم لغتها	ENANA	اخبار منوعة	5	22-01-2009 10:58 PM
أهاجر إليكِ ....؟	غانم الخوري	الشعر	8	21-11-2008 08:17 PM

الذين يشاهدون محتوى الموضوع الآن : 1 ( الأعضاء 0 والزوار 1)


إن الموقع لا يتحمل أي مسؤولية بالآراء المطروحة، و ليست بالضرورة تمثل رأي الموقع مع الأخذ بأن الحقوق محفوظة لأي مادة تنشر للمرة الأولى لكاتب المادة ولموقع "صفتلي".

يا مهاجر....

بيت زجل