ما هو عملك او دراستك ولماذا؟!!!!!!!!!!!!!!

اول سنة بكالوريا طلعلي تاريخ يلي بحبو كتير بس بتعرفو الاهل لازم يمارسو مهامن المتعددة بالضغط عالطالي مشان الاعادة والعلامات الاكتر يعني انا كنت عم ادرس ادبي امي مفكرتني لو عدتا رح ادخل طب المهم عدناها وعلى حظي الحلو عملو تثقيل المواد زاد مجموعي 15 علامة بس ما استفدت منن المعم طلعلي اثار ودرسنا اول سنة وانجلطت منا اكيد الكل رح يالي الاثار كتير حلوة هي صح حلوة من برا بس مو بس تدخل وتبلش دراسة وتلاقي ما في لا كتب ولا محاضرات متل العالم امت بعدين تركتو للفرع العظيم ودخلت تعليم مفتوح رياض اطفال حسب ارادتي وهلا بحبو كتير وبقيان 5 مواد وبتخرج
عذرا على الاطالة بس كنت عم احكي مسيرتي العظيمة
شكرا اسعد على موضوعك

واحد بيهرب من الرياضيات , بتركد الرياضيات وراه هي هيي قصتي مع الدراسة
بكلوريا ادبي , فا مفاضلة , فا حزركم شو ؟
معهد تقني للمحاسبة والتمويل [ التجاري سابقا ] المهم مشي الحال وبطلوع الروح تخرجنا بما انه كل المواد طلعوا وبقت عالقة الرياضيات فاخدتلي من عمري حصة منيحة , خلصنا من المعهد وتخرجنا ونشكر الله , وسجلت االفرع الذي كان ضمن خطة اهدافي في سنة البكلوريا وهو العلوم السياسية [ قسم الدراسات الدولية والدبلوماسية ] وهي رح نخلص السنة الثانية والامور ماشية التمام التمام [ يا عمي مافي احلى من انه الواحد يختار على زروقه ]

وهلاء حاليا : نعمل في مجال تصميم مواقع الانترنت [ الهواية الاكثر تحبيبا لقلبي ] والتصميم بشكل عام , وصفتلي هو احد المواقع التي قمت بتصميمها . بقى شو رأيكم ؟

تمنياتي لكم بالتوفيق شباب والله يعني لي بعد ما قدم بكلوريا

بكرا يا شباب رح تنقذوا اطفالكم من الوقوع في نفس المطبات
لانكم بالتاكيد لن تجعلوهم يعانو ما عانيتم
شكرا لكم لمشاركتنا حياتكم
ننتظر البقية

والله يا اسعد نكاتلي جراحي هههههههههه
انا دخلت فرعي بالغلط ولساتني عم ادفع التمن
لاني ما قدرت حبو ابدا
كنت حب الاثار كتير بس قلت الكيميا اضمن وعاساس بلدنا عن تتوجه عالصناعة شوي شوي
قول لسلتني متفائلة بلكي بس اتخرج بتكون المعامل كترت شوي بسوريا

يسعد ايامك وكل عام وانت بالف خير وعقبال ما نشوفك احلى وانجح دكتور

اول شغلة بقترح تثبيت هالموضوع
لان عنجد الو دور كبير بالتعارف بين الاعضاء
تاني شي بشكرك اسعد على هالموضوع
اخيرا: انا دارس معهد تعويضات اسنان وهلق عم بشتغل بمخبر اسنان
من صغري كان عندي طموح لدراسة هالمعهد ولحمدلله الرب وفقنا
بحب هالفرع لان بيقولو فيه دخل مادي كبير........... شو بدنا نعمل المادة هيي كل شي بهالايام
شكرا

شكرا شباب عالمشاركة
انا رح اطلب من الادارة بثبت الموضوع حتى يبقى ثابت
وهيك الكل بيدخل يعرفنا ع عمله بالحياة
لانه متل ما بتعرفوا مهنة الانسان واحلامه بالعمل بتعبر كتير عنه

من الأسم يلي دخلت فيه عالمنتدى ممكن انو تستنتجوا شو هيي دراستي (تورنادو)ومن أغلب مواضيعي كمان.........
ومن دون ماطول عليكن دراستي هيي جفرافيا سنة تانية بتشرين بعد ماكنت بدمشق بالسنة الأولى
ودخلت على هالفرع من سابق اصرار وتصميم لأنو عندي هوس مو طبيعي بالكون والطبيعة والأرض عامة
والطقس والمناخ والأمطار والأعاصير خاصة وبتمنى صير على أقل تقدير متنبىء جوي أو عالم بالطقس والمناخ اذا أمكن ............أما الحلم الكبير يلي بتمناه هوي اني كون بالولايات المتحدة الأمريكية وطارد الأعاصير وين ماراحت و وين ماكانت وماخلي ولا اعصار يفلت مني.......
انشا الله ماكون أطلت بالكلام عليكن بس هيدي كانت دراستي وهيدا كان طموحي وحلمي.....
مشكور كتير ياأخ أسعد على هالموضوع الجميل واذا أمكن تعطيني رأيك بصراحة بالجغرافية وشو رأيك بحلمي ؟؟؟؟؟

وهلأ أجا دوري مرحبااا أسعد
أنا درست بكالوريا معلوماتية و علاماتي ما خولتني لأدخل معهد معلوماتية أو هندسة معلوماتية
و أجيت لسجل بالتعليم المفتوح بالمعهد المتوسط للمعلوماتية بجامعة تشرين ما كانوا يقبلوا لأنو شهادتي البكالوريا تعتبر مهنية صناعية و المعلوماتية تابعة للصناعة فاهيك لهلأ ماسجلت بالجامعة وما توفقت بالدراسة بس إذا في شي فرع بالتعليم المفتوح بيقل سجل فيه بشهادتي ياريت حدى يقلي لأنو أنا حابب أرجع للدراسة ......

و لله إنت يا سعد هلأ فتقتلي جروحاتي

و هلأ أنا عم أشتغل بمكتب تصميم برامج وتطوير برمجيات
أنا عم أشتغل بقسم التصميم المرئي يعني على الفوتوشوب والبرامج تصميم الرسوم الشعاعية و الفلاش و html

شكراً أسعد على الموضوع المميز

أنا بدرس صيدلي بجامعة دمشق بعد ما كنت بجامعة البعث و هلأ انا سنة خامسة(دعولنا)
حلمي كان إنو أدخل فلسفة بس بتعرفو إنو الفلسفة ما بطعمي خبز بالإضافة إنو الناس ما بحبو يلي بيتفلسفو....