محاورة زجلية ... ناطرينكون

ENANA · 20-01-2009, 09:25 AM

ما ســـمعت بزْمانن شـو قالو الْجـدود.....النسوان ما بتصعب عليهن مسالة
شو نسيت ملكات اللي قطعوا الحدود.....وملكو وحكمو الكون بزمان الاولي

رامي ... النسر

مروركم زاد ع المعركة حلا وقوة
اهلا فيمون
ناطرينكون

رامي · 20-01-2009, 01:23 PM

كيدن عظيم وشر مفروض لابد منو ........والدهب مرغوب ولو سعرو غلي
شو بعمل لما شفت عينيك ضعفت ..... ونسيت يوم اللي كنت فيها بو علي .

ارنوبة · 20-01-2009, 02:09 PM

كنير حلو

انا متابعة

Sami.S · 20-01-2009, 02:23 PM

اوووه
كتير حلوة هالمحاورة
وانا متابعكم ......
نبيل وأنانا ... رائعين كالعادة

N.B.L · 20-01-2009, 03:05 PM

ما نسيتْ اْللي جرى بهاك الزمان............. وشو صار فيهْ منْ امور مبهدلي

قْطعتوا الحدود,ايه, عا برّ الامان................ لـكن رجالـوا أمّـنوا هـالمسأله

عجبك هيك يا رامي..

اهلين ارنوبة وسامي ناطرينكون

ENANA · 20-01-2009, 08:09 PM

البهدلة كانت من ورا اعتى الرجال.....العاشــــو بالدني عيشة هنية وسلسلي
آثار جـــداتي لهلق عم تنطق جمــال.....شــامخة بالكون , صامــدة ما بتســأل ِ

walid_gha2000 · 20-01-2009, 08:41 PM

المشاركة الأصلية كتبت بواسطة Enana

البهدلة كانت من ورا اعتى الرجال.....العاشــــو بالدني عيشة هنية وسلسلي
آثار جـــداتي لهلق عم تنطق جمــال.....شــامخة بالكون , صامــدة ما بتســأل ِ

يسعد مساك يا إنانا اتذكــري... ربي خلقني ما بطيق البهدلي
جدي عشق ستي فلا تتنكري... نحنا ربينا عالوفى والمرجلي

اشتقنالكم كثير .
تحياتي لكم جميعا.

N.B.L · 21-01-2009, 08:45 AM

يا بنت حوّا في مجال الاجتماع..................... وجهك قناع من البداية حاملي

لا تسلّطي عيون المراية عالقناع............... خلف القناع كل الحقيقة بتنجلي

يسعد صباحك وليد..

الحمدلله عالسلامة يا غالي

ENANA · 22-01-2009, 10:26 AM

جدك عشــــق ســــــتك وبقلبه الكـــــبير .... قللا على العرش اقعــدي ولاتنزلي
بحكــــــــمتك انتي بيــــزداد القفــــــــــير.... وعن امن احوالنـــا بالك لا تشغلي

ان حملت عَ وجّي من البداية هالقناع .....وكان قاسي وصلب منّــــو مشـكلة
خلــف القناع في شـخص حلو الطباع.....عنــــدو خـــير النـــــاس باول منـزلة
وان كــنت مفتكــر هيـــدا اصطــــــناع.....والمبين الك حـــلو ناعــــــم مخملي
كان كرمالك حتى ما تهدّك الاوجــــاع.....وتحس انك شــخص منسي ومهملي

N.B.L · 22-01-2009, 08:57 PM

حـوّا عـبْر الزمـان الاولـي.......................... غلطت وخالفت هالرب العلي

من الجنة التفاح بعينيها حلي...................... وعملت لآدم في حياتو مشكلي

وتا تكمل بتاريخنا هالمهزلي........................ جايي تتحدّى الشباب مساجلي

ورسمت لحالا هونيك هاله مرسلي............. وجنّت وقالت هيْ الك, هيدي الي

ومن فزلكاتها رجّالها دمّو غلي................. وحتى يوضعلها حد بي هالمرحلي

شطّب عا كل اْمورها المنزّلي........................ وتركها للبيت وْلأمور المنزلي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه للموضوع: محاورة زجلية ... ناطرينكون
الموضوع	كاتب الموضوع	المنتدى	مشاركات	آخر مشاركة
محاورة (( محمد مصطفى وعلي شريم ))	النسر السوري	بيت زجل	0	22-01-2009 01:05 PM
نهفات زجلية	النسر السوري	بيت زجل	0	20-01-2009 09:18 AM
محاورة بين العين والقلب	Boodey	سحر مكتوب	7	09-09-2008 11:18 PM

الذين يشاهدون محتوى الموضوع الآن : 1 ( الأعضاء 0 والزوار 1)


إن الموقع لا يتحمل أي مسؤولية بالآراء المطروحة، و ليست بالضرورة تمثل رأي الموقع مع الأخذ بأن الحقوق محفوظة لأي مادة تنشر للمرة الأولى لكاتب المادة ولموقع "صفتلي".

محاورة زجلية ... ناطرينكون

بيت زجل