ايام السّليق ...

[align=center]

المشاركة الأصلية كتبت بواسطة رامي        الف شكر يا انانا على هالاكلات الطيبة . فعلا دائما منضل نحب هالاكلات الرائعة . انا بتذكرني بالشتي وبالصوبيا . اكلات اصيلة من كاتبة دائما اصيلة .

والله معك حق يا رامي .. وخصوصي اذا الصوبيا حطب وعلى خبز مقمر وكم حبة بطاطا بهالجمرات

شكرا الك رامي وعلى كلماتك اللطيفة
يسعد اوقاتك ابو ادون[/align]

[align=center]

المشاركة الأصلية كتبت بواسطة ratroutte        ياي يا ست الكل كانت ستي ام جمال الله يرحما تاخدنا معا نحن وصغار حتى تسلّق وكانت تحفظنا اسماؤن بس نحن كنا شياطين وما همنا غير اللعب فما تعلمنا شي من السليق هههه حتى طلعنا ما مناكل حشيش شكرا عالزكرايات الحلوة

عادة الاطفال ما بيهمون بالطبيعة غير اللعب

شو بدون باسماء الاعشاب

بس كان لازم تتعودو تاكلوها لانها فعلا غذا ع الحل

صباحك ورد وياسمين ريتا[/align]

[align=center]

المشاركة الأصلية كتبت بواسطة the blue shadow        كانت اكلة كتير طيبة بالفعل خاصة مع الحامض ايام السليق وقت كنا ننزل معكن كانت ايام بتجنن شكرا الك ست الكل على هالذكرى

بعدك بتتذكري يا بلو ؟؟؟

كنا ننزل حوالا الملعب انتو تلعبو ونحنا نتسلى بالسليق

وعند العين نغسلون متل ايام امهاتنا

راح الملعب والعين عم تبكي ونحنا ما عاد سلقنا ...

انشاء الله ايامك كلها ورد[/align]

احلا صباح ست الكل من من ارض الشيحانة والسليق
يا ست الكل لقد فتحتيلي جروحاتي على هذا الوصف الذي تصفين به السليق وكيف النزلة والطلعه عالبيت ، واذكر انه كانتىامي الله يرحمها تنزلني معا وكان اكثر شي يوجد حرتمني في القاطع التاني لصافيتا تحت كنيسة بطرس وبولس ، لم اعد اتذكر اسمها ، وكانت تسلق في الذهاب والاياب ومن الذكرة حين يبداء المغيب وانا قلها يلا يا امي وهي تقلي هالعرق وهالعرق والابعة وهالأبعة تيلم الضو علينا ، ولكن كانت الغله تكون محرزة ، والغسيل على العين من اهم الامور

وبالبيت مثل ما قلتي يفرز كل نوع على حدا ومن الاسماء التي بعدني حافظهم الهندباء الكرات الخبيزة شوكة الجحش القرص عني والحرتمني والكثير من الاسماء لم اعد اتذكرها ، وحتى اليوم انا من اقول لزوجتي اسماء السليق وانا من يشتريه من السوق ولكن لا احد في البيت يأكله سوى انا وزوجتي

شكرا ست الكل

يسعد صباحك غسان

فعلا لما منكون بالسليق ومنشوف قلب الحرتمنة او الهندبا الكبير ما النا قلب نتركه
انا حنيت كتير لايام زمان
لانو استفقدنا الطبيعة بعد ما بعدنا عن الحارة

وكل ما شفت عرق من هالاعشاب بتذكر ايام زمان
حتى الطبيعة هجرتنا بسبب العمران
او نحنا هجّرناها

يا عمي هيدي الاكلات اللي كلها غذا وفايدة

هيدي الاكلات اللي بتطول العمر

يطول عمرك يا ست الكل على هالموضوع

نيالكن ؟؟؟ سدقوني ماحدا بيعرف قيمة السليق حتى يعيش ببلاد مافيها سليق متل استراليا؟................ ااااااااخ بس لو في هندبه وقرص عنه ؟؟؟؟؟

الله يسلم هالتم وهالأيدين يا ست الكل عهال الذكريات الرائعة وهالكلام الحلو والله يا عمي صحن سليق بأول طبختو بهالمقلي الفخار الأسود مع راص بصل يابس او كام ورقة بصل خضرا واهم شي الخبز المسخن عالصوبيا أأأأأأأأأخ وانا هالشتوية قضيت وحامي ونزلت شهر عسوريا والله العظيم اكلت سليق عن سنة كاملة وكمان في نوع ما حدا ذكرو اسمو البون بينطبخ متل السليق وأيليييي مأطيبو مع البن الله يطولي بعمرك يا امي لانو لولاها ما كنت دقت طعمت السليق.
ويا ست الكل انانا امانة بس يجي عبالك ويكون عندك فضى وحابة تنزلي تسلقي انتي وشي حدا ومو ملاقاي مكان بس قليلي وخبريني هون بالمنتدى وببعتك عالمشروع تبعنا مانو بعيد صاير بأول الكرامة وعطريق الدوار وعين سركيس وفيه سليق ليوم السليق وليمون والي بدك ياه وفيه كمان قعدة بتجنن يعني خرج مشوار
والله يديم هالمنتدى بخير وانشالله الله بيجمعنا بصافيتا عن قريب ومنعمل احلى الطلعات والرحلات
بس بدي منك شغلة يا ست انانا انو تقليلي وين مكان العين والبيدر الي حكيتي عنون لاني ما عرفت وين بكونو
وسلامي واحترامي الك وللجميع

كلامك ali khalil بيخلي الانسان يحب تراب هالبلد وبيخلينا نتردد الف مرة قبل ما نخطي خطوة برا
الله يوفقك وتنجح وترجع ع بلدك يلي ناطرك لعند اهلك.......وتاكل كل يوم سليق هههه

شكرا انانا يلي ذكرتينا بكل عادات اجدادنا الحلوة واكلاتهم