بعد بتسال .... وين الزجالة؟

خفة عقلي يا عيوني.......... طلعت من ضلعي القاصر

وتا حتى ما تلوموني............. وكون الخاسر بالاخر

الله جهّزلي المونة................. وكنت الناهي والآمر

لكن حوا المجنونة................. متل الافعى الملعونة

رميت سمّا عالشاطر

احلى اليسار والله :


دغــري بتهتّـو حــوا..... باللي صار لحضرتكون
بتنسو ادم شو سوّى..... تاوصلتــو ع اخرتكـون
الله عطــــاه القـــوّة ..... تايحافظ ع عيشتكـــون
لكن هالعقـل الجـــوّا..... راســـو تلبّـــك وتلــوّى
لما بزندا لفتكون

القوة الله عاطينا.................. حتى فيها نحميكون

وعليكون ما تعديّنا............... ورضينا بمصايبكون

تركنا الجنة بايدينا............... حتى نبقى نرضيكون

الزند اللي غمرتونا فيه......... السم معشعش بحوافيه

من الحقد العايش فيكون...