بعد بتسال .... وين الزجالة؟

المشاركة الأصلية كتبت بواسطة Enana        لـولا بـــدي خـــاف الســـبع ****لوجودي ما عاد في نفع شو عملت ؟ كسرتلي ضلع****لســـى باقي ضـلاع كتير تقـــــديرك عندي مجـــهول****وحتى احني مش معقول ما بخـــاف الزنــد المـــفتول****وبسـتهوي الكـلمة الحـرير

ضيّعت العمر الغالي............. وسهرت لاجلك ليالي

ومهما طلعتي بالعالي......... بينتظرك بؤس المصير

لْتقديرك مني محتاج.......... لو كان عْلى راسِك تاج

حْياتك مصدر للازعاج.......... والعيشة بقربك تعتير


عراسي يا غسان..

ما عنا شي استيراد ..كلو من الحارة

شوووووووووووووو رجعت حميت مبين.....

حضري حالك انانا .....

هالمرة قويت الحكاية ....

[align=center]شوف يا N.B.L ما زال القصة هيك صارت ....

شوف لكن ....


بيقـولـو انــو الرجّــال ..... ما بتفرق معـو حـــــوّا
وطيفا عنو لاولا مـــال ..... بيفقع قلبـو من جـــــوا
هيي المال وهالرسمال ..... وهيي الشـافي والكـــوّا
صايع ضايع متل خيال .....هيدي حالة من الاحــوال
وبيضل يقلا علوّا[/align]

حلللللللللللللوة

متابعة

علقت يا ربي وشو صار

وشو هالحالة التعتير

ما منقدر نتركون نهار

بيضلوا متل الدبابير

شي نقير وشي نقار

لكن ...انطروني بكرا بكير

سهراتكون للقلب هي الروح
وبلسم بيشفي كل الجروح
الله يديمكون للزجل عنوان
والعطر من حروفكم يفوح

يسلم تمكون N.b.l &enana ولكل مين شارك ب هالسهرة الرائعة

آدم جال بكل مجال.......... وشعّل قلبه من جوّا

وغادر فردوسه بالحال....... حتى ما يزعّل حوا

وحتى تبقى بالاجيال ........تعيش بْهدا وتتروّى

لكن بكل الاحوال............. قالوا عنها بالامتال

حوا رح تبقى حوا

[align=center]انتو رضيتو باللي صار.....وفضّلتو ترك الجنة
وزعلّتـــو الله القــــــدّار....وقلتولو طلعت مني
كان بفكـــــرو هالغـــدار .... ادم يرقص ويغني
ويتحـكم باهــــل الـــدار .... وينصّب حالو قهّار
قامت حكميتو العنّي[/align]

حوّا بسالف الازمان.................. خالفت رب الاكوان

واكلت تفاح البستان................. وخلّيتو لآدم حيران

من الجنة صابه حرمان......... ومن ورق التوتة عريان

جابت لآدم الهموم............... وقلبه من المتعة محروم

وعايش كل عمره قلقان

شو هيدا يا عمي حميانة هون

اينانا كلنا معك

عمو نبيل كمان معك بس ديرو بالكن من كهن حوا

طلعت مــنك خــفة عقـــل ..... لما اكـــلت التفاحــــــة
وبتــعرف انــت من قــبل .....كل شي صاير بالسـاحة
الله مـــــا قــــلك يا بــعل......وحكــــالك بالصراحـــة
عندك كل شي خرج الاكل..... وقدملك عيشة بالســهل
حتى قضيتا نواحة