| |  |
| | |
| |||||||
| سحر مكتوب مقالات ونثريات وقصة وخواطر ثقافية |
 « آخـــر الـــمـــشـــاركــــات » |
 |
| | LinkBack | أدوات الموضوع | انواع عرض الموضوع |
24-11-2008, 11:38 PM
| ||||||||||
| ||||||||||
 رد: أوف ....( شعر لغة محكية) . للي بيهمو الشمس الجايي شمس حزيران الرمدانة ,أكلت قيًا ... مرقت ع جروح الأراضي المغتربة .. وعبٍت عينيا وخلصنا صمت ... وتطليع كًلنْا تسعة من الصابيع وتركنا إصبع ,متهدل حتى هلي بيمرق يسأل مع أي شمس تغربتو, ندل عليا * * شمس حزيران الرمدانة , صحرا ووسعه لا قصيدة بتروي رملاتا ... ولا دمعه ... يا شمس حزيران الجايي , أو تموز الجايي ,طلي من كانون , ومن تشرين , من الشهر اللي بدك ,طلي عنا موت بيرفع راسك عنا دم ,بيشرب كاسك لا تغتربي يا شمس , ملوعنا وحش الصقعه --------------------
  |
| اعلانات |
|
25-11-2008, 10:45 AM
| ||||||||||
| ||||||||||
| رد: أوف ....( شعر لغة محكية) . للي بيهمو طفلين وعيو ع الدني تعودت ع حبك , صرت حبك ورسمت عينيكي بتطليعي كتبتك على شفافي ,وع صابيعي وصرت سجرة حور ع دربك كنتِ متل حلوة .. غريبة.. بعرفا وصدفة تاقلاّ: مرحبا صرتي قصيدة الف مرة بالّفا وعا كل مفرق بكتبا واسمك دخيل الكوّنو واللوّنو قديش عم يمرق على شفافي واسمي معو بيضل.. لا تخافي وشو حروف هالاسمين عم يتشيطنو ومتل الطفال بيكذبو وبيلعبو .. وبيهربو وشو ما بدا منن حلو طفلين عم يتولدنو () () () بذكر بعينيكي مرق كانون متل ما بتمرق بناي الميجنا ومين اللي بعتو ... وصيرو مجنون؟! لا تسالي .. بعتّو انا وسافرت بين الرمش والببو ويا بحر ضيعني ويا مرفا اوسعني هاللون للغربة حلو ... بحبو () () () وصفيت مدري وين وبايد جمعت التلج والنار وتمرجحت ما بين شهقت الخصر.. ولهفة الزنار وغفيت نيالي ع هالغفوة من زغرتي بحب الدفا وصحيت ع الما بعرفا تاري الدني بعيونها الحلوة شفت الشمس حد القمر والتلج كاسة نار والليل مرج نهار وقبالنا لمحت السجر يتطلعو... يتغامزو... يتشاورو ومن كتر ما حكينا سوى ولهْبِت حكايات الهوى تركو الشروش وبلشو يتخاصرو () () () تعمدت فيكي .. لبست عينيكي وسكنت بين الصدر والرقبة ازرع شفاف واحصد محبة ومواسمي خاتم بايديكي () () () يا غيم .. ما بسافر بقى .. اتركني معا احلم معا اكتب شْعورا بلا حروف وسمعا وما بين شفة مصيّفي وجفنا الْمروَّج ينطفي بشوف الفصول الاربعة اتركني معا حطا بقلبي ... وضيعا يا قلب .. حبّا, بس .. اوعى توجّعا
|
|
26-11-2008, 03:33 AM
| ||||||||||
| ||||||||||
| رد: أوف ....( شعر لغة محكية) . للي بيهمو
[align=center]حبني اكتر حبني اكتر كلهم خمس تيام وبيمزقوا الاحلام وبخاطرك بعدا لاقلبك بيهدا ولاهالقلب اصبر حبني اكتر حبني اكتر وقف الوقت ورجعو وغمور صدري ووجعو وخلي الغفا يسهر بعيونا ويسكر ع كام غمزه وحبني اكتر حبني اكتر تاضل اتذكر وابكيلك طلّع بصدري وقول :ياويلك! تذكر شو صدرو ضمك تذكر وحبني اكتر وسع البحر ...كبر الفضا والمرج والبيدر وسع المدى الاخضر وقد مافي ببوستك سكر حبني ولك حبني ولك حبني اكتر قديش بدك تكتب شعورا بالعمر كلو للهوى كلو اكتبهن الي هلق قديش رح تنده ...يا زغروره انت الدني ورزق السني قولن الي هلق ماضل بشراع الزمن نطره ماضل ليوم السفر والبعد كم سهره شدني لصدرك بمية ايد وزراع ع شفافي خوابي نبيد وحبني وسع البحر ....كبر الدني والموج والبيدر وسع المدى الاخضر وقد مافي ببوستك سكر حبني اكتر بكرا شوارع غربتي بتبكي ولادرب بيوديلها ضحكه اغمرني بشعري وشد خصلاتو تكبّر ع غنجاتو خلي الخصل تحلم وتتغندر وبشدتك تسكر احسن ماخصله تقول للخصلة: طقي وموتي شدني اكتر وحبني ...ولك حبني آه حبني اكتر [/align]
|
|
27-11-2008, 02:04 AM
| ||||||||||
| ||||||||||
| رد: أوف ....( شعر لغة محكية) . للي بيهمو انا رح اخد الدور ممكن ..... هي قصيدة انا بحبها كتير .....اسمها : مغرورة رسمت بغنجة اصبعا لون الفصول الاربعة وحطت بفكرا من سنة تتزيد ع فصول الدني فصلين بلكي هالمدا بيوسع حبيبا ..ويوسعا واخترعت ببال الهوا موال ماتغنى بعد لابتعرفوا نسمة هوا ولابيخطر بفكر الرعد باقي معا , بيحلم معا بيشرد وبيغنيلها وهيي بيطول ليلها لابتسمعو..ولابيسمعا مرجوحتا هالطايرة بحبال وهم معلقة لا هالخيول الغايرة ولاهالرياح بتسبقا بتغيب ..مابترجعا بتعاود..ومابتقشعا بتلف زنار الدني من الولدنة للختيرة من الختيرة..للولدنة ومابتنتقل من موضعا البيحبها فوق البشر متل القمر!!؟ مين قال ؟؟! احلا من القمر لاتسال جروح الوتر لارقصة حبال المطر مابظن اشيا هالدني عن حبها الوسع الدني سمعت شي طرطوشة خبر بعيونها تمنتعش سكرانة وملونة بأسوة وبكي وع شفافها نغمات جمدانة لاصمت هيي ولاحكي دمعة بتجي تتودعا بتغار وبتبقى معا وبصدرها خفقة قلب كل ما انسمع شي ع الدرب يارب شو بتوجعا !!! وبتختصر وسع الدني بكفه وهيي بهالكفة وبجفنها كل ماوعت رفه بعد بسنة الرفه انصدفت..وحكيت معي وبعتت شي كلمة بمسمعي حرف بيجي عم ينطفي وحرفين بيضلو على الشفة
|
|
27-11-2008, 02:29 AM
| ||||||||||
| ||||||||||
| رد: أوف ....( شعر لغة محكية) . للي بيهمو وجه ...وغربه وجها بيتمخض بالهم توام توام ... بلون الغربه وعينيها للحزن مغاره مزروعة جنات محبة والخوف بيمرق بخدودا يطفي هالبقيو من ورودا ويسرق فرحتها بحبيبا , ويخنق ضحكتها بالعتبه جدًل شعرا..يا همً الما بتفارقها .. ولمً الغره بدك سرًا ؟! طلع بجبينا , وسكوت ,بيحكي سرا يا همً بها للون الأزرق لا تسكن وجها وتتعوق ما بتصدق إنو لونك بيخوف ؟؟! بعيونا تمرىً متل البكوة ,بدا تهاجر من عينا , وتشدًا عتوبه معجونه بجرون الدمعه .. بحروف اللوعه مكتوبه وبصدرا بتلوع تنهيده أبلغ من مية قصيدة وجفونا !! لا توعًي جفونا ... "تقبر قلبي " شو متعوبه بدا تحكي ..وخنوقه الكلمه ع شفافا بغصه زرقا بدا تشكي.. وعم تجرش هالشكوى سنانا ... بآه ...وحرقه حيطان ,الناس حواليها كلٌن عم ينهدو ...عليها تعبو زنودا ...اصفروا خدودا ,وهني نسيو لون الشفقه بدا تقلي (؟!؟,؟-) وتقشع كلماتا وتطل .. يضيعو حروفا وتروج تحكي بعيونا ,وبخدودا ..وتجمد من خوفا تاتمر حبني ...تتحجج ..وتساوي شعرا تاتعذبني ...تتنهدلي ...ويخفق صدرا ولا تسأل ,شو حرقت شموع وبخزر .... وأندر تاشوفا سا سهرانه عا وهج الهم اللي بيضوي متل الشمعة وبتخافي, لو خلصو دموعك .من وين بتستعري دمعه سهره..وسهره بيقرب بكرا وبيدخل بالضحكة الخضره حاملك حبيبك ... طلي لاقيلو .. وغني للرجعه
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
| | ||
| Safatly.com on Facebook |
| |
| إن الموقع لا يتحمل أي مسؤولية بالآراء المطروحة، و ليست
بالضرورة تمثل رأي الموقع | |||
| |
العرض العادي
