رب البندورة ع الطريقة الصفتلية

ENANA · 19-09-2008, 10:25 AM

[align=center]من الاشيا التراثية المهمة

المونة

ومتل ما حكينا قبل عن السليقةوالحصرم
ومتل ما حكي غسان عن كتير مونة صفتلية

انا هون رح احكي عن كيفية عمل رب البندورة
هالمونة هيدي كانت مترافقة مع السليقة تقريبا
كانوينقو البندورةبعلية وحمرا مستوية منيح

(( الطريقة انا عملتها بالبيت حسب المتوفر هلق بس فيكون تتخيلوها على الطريقة القديمة ))

يغسلو البندورة منيح ويكونو محضرين الدست ومجهزين الموقدة
يقطعو البندورة قطع كبيرة ويحطوها بالدست ع الموقدة ويضيفو عليها الملح

ويتركوها تغلي

بعدما تغلي البندورة يجهزو مصفي نحاس يكونو مبيضينو قبل الاستعمال او المنيوم
ويحطو المصفي على طنجرة كبيرة او اي وعا كبير
ويبداو بفرك البندورة وعصرها بالمصفي
ينزل الزوم بالوعا الكبير والحمشل يكبوه(( الحمشل هوي البذر والقشر الباقي من البندورة ))

هلق بهالايام صارو بيطحنوه على طاحونة الخضرة او بالكهربا

مرة تانية بيكونو جهزو الدست ع الموقدة وبيحطو الزوم فيه وبيتركوه يغلي بعد اضافة الملح حسب ما بيلاقوالوحاجة
وبيتركو البندورة تغلي مع التحريك بين الوقت والتاني حتى تنشف وتجمد
يا عيني شو بتطلع ريحة البندورة طيبة هيي وعم تغلي

بيشيلوها عن النار وبيصبوها بصواني كبيرة وبيحطوها بالشمس مع التحريك بين الوقت والتاني حتى تنشف وتاخد لون احمر غامق

بيعبوها بمراطبين وبيحطونتفة زيت فوقها

هلق صارت البندورة معلبة جاهزة متل كل شي[/align]

غسان رزق العلي · 19-09-2008, 11:11 AM

الله يا ست الكل ، يسلمو هالديات شو هالشغل الحلو ، من اجل الجيل الجديد يتعرف على شغل اجدادون ، والعمل اليدوي وهيدا من اجمل التراثات في الدني ، ست الكل انت الخير والبركه ، متلي انا هون عمبوس ايد حالي هههههههههههه.

شكرا يا ست الكل لكي كل المحبه والأحترام

the blue shadow · 19-09-2008, 12:33 PM

الله يعطيكي العافية انانا

انا شفت الطريقة كتير سهلة

يسلمو ايديكي انانا

AS3AD · 19-09-2008, 03:00 PM

يعطيكي العافية انانا

وشكرا ع المعلومات

كانت هي الطرق تشغل الناس وقت ما كان في كتير وسائل تسلية وتكنولوجيا

talia · 19-09-2008, 05:14 PM

شكرا الك انانا
ع المعلومات اللي عطيتينا ياها كتير مهمة

ابو حليم · 19-09-2008, 05:53 PM

[align=center]الله يعطك العافة انانا
وشكرا كتير على المعلومات والطريقة لتحضير رب البندورة [/align]

Michael Klashinkov · 20-09-2008, 02:37 AM

يعني عنجد أنا بدي أشكرك كتير ست الكل لأنو رب البندورة هم أساس لمعظم الأكلات السورية و خصوصا اللي بحبا أنا

الليالي · 20-09-2008, 02:41 AM

شكرا الك كتير انانا
الطريقة كير سهلة وانا شايفي طريقة عملها مرة وحده

ENANA · 21-09-2008, 07:35 AM

على فكرة
البندورة اللي بتنغلى بالبيت بيطلع طعم الطبخة فيها اشهى والذ

شكرا كتير على ردودكم المميزة متلكم

ويسعد صباحكم

أليسا · 26-09-2008, 07:36 PM

و الله يا انانا كان رب هالبندورة بيشهي

شكرا الك انانا و الله يعطيكي العافية

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه للموضوع: رب البندورة ع الطريقة الصفتلية
الموضوع	كاتب الموضوع	المنتدى	مشاركات	آخر مشاركة
مزارع ينتج أنواعاً جديدة من البندورة بدرعا	ENANA	المنتدى الزراعي	14	18-08-2009 12:27 AM
الشنكليش الصفتلية...	ENANA	تراثيات	31	14-06-2009 08:40 AM
فيليه الدجاج مع صلصة البندورة..	ENANA	مطبخ الصفتلي	14	24-01-2009 01:56 AM
الملوخية على الطريقة اللبنانية	ديانا	مطبخ الصفتلي	12	29-11-2008 03:11 AM

الذين يشاهدون محتوى الموضوع الآن : 1 ( الأعضاء 0 والزوار 1)


إن الموقع لا يتحمل أي مسؤولية بالآراء المطروحة، و ليست بالضرورة تمثل رأي الموقع مع الأخذ بأن الحقوق محفوظة لأي مادة تنشر للمرة الأولى لكاتب المادة ولموقع "صفتلي".

رب البندورة ع الطريقة الصفتلية

تراثيات