| |
| |
26-08-2008, 04:02 PM
| ||||||||||
| ||||||||||
 عرفت كيف وصلت الاخبار ؟؟
[align=center]  عرفت كيف وصلت الاخبار ؟؟ مع نسيم الصبح مع بحة الناي مع رفة الاطيار عرفت كيف وصلت الاخبار؟؟ ---------------- عرفت كيف وصل العطر ليّي ؟؟ يوعي الشوق الساكن بعينيي ويرف قلبي , يطير وتبيعد مشاوير بدروب الهوى واشتاق لك كتير كتير ويبقى القلب والع وما تنطفي هالنار -------------- عرفت كيف سيهرت القمر ليلات ورا ليلات تايمضى العمر سكّنت طيفك باحلامي تا يهوّن عليي ايامي احكي معو اغفى معو اسهر معو ودمع عيني تمنعو ينزل على الخدين وتقول ما ضل وقت كتير حتى ترجعو ويلتقو العينين ويفرحو القلبين وترقص لرجعتكون حجار الدار --------------------- عرفت كيف وصلت الاخبار ؟؟ لما شهق صدري وجع وسكت صوتي ومني ما طلع ولا في صدى وما عرف فيي حدى انو القلب من بين اضلاعي انشلع غير نسمة غافية بعب المدى شفقت على حالي وداعبت رمش مشتاق للغالي وهمست الي بكرا انا جايي رح جبلك الاخبار عرفت كيف وصلت الاخبار ..؟؟[/align]
  |
|
26-08-2008, 10:17 PM
| ||||||||||
| ||||||||||
| رد: عرفت كيف وصلت الاخبار ؟؟ ايه.. عرفت كيف وصلت الاخبار مع نسمة الحب... مع خفقة القلب... مع نغمة الاوتار... .................................................. . وصل العطر ليكي!! من رعشة الازهار لما النحل ينهل, من وراقها الاسرار... .................................................. . عرفت كيف وصلت الاخبار.. لما الآه من دون وعي تقلّك مع صدى صوتي تعي وترجع الكلمة محمّلة اوجاع تحكي عن عمرنا اللي ضاع وعن قلب دايب محترق بالنار.... عرفتي كيف وصلت الاخبار؟؟!!
|
|
27-08-2008, 04:55 AM
| ||||||||||
| ||||||||||
 رد: عرفت كيف وصلت الاخبار ؟؟
[align=center] وانت عرفت كيف ببعث الأخبار؟؟؟؟ وديتاها من قلب عا بعد الولف محتار حملتها مع النسمات خبيت فيها سرار ولونتها بأيام عهد الولدني وشيطنة بنت بهالدني تكرج بأرض الدار وغلفتها بأشواق ما عاد الجسم يتحملا وموشحة بتشتاق للحمرا بخدا بمخملا ومطيبي وعيدانها من الغار ومكللي بجلنار عرفت كيف ببعثلك من الأخبار؟؟؟ أشكرك صديقتي الغالية لهذا البوح الرائع.[/align]
|
|
27-08-2008, 05:14 AM
| ||||||||||
| ||||||||||
| رد: عرفت كيف وصلت الاخبار ؟؟ ]عرفت كيف وصلت الأخبار عيون سهراني وقلب محتار قلم يحكي وعين تبكي لما الحب بالقلب صار ختيار الورد رمى حالو عالورق متل الحلم يحكي للورق اسرار ولما الرسالة وصلتك يا شوقها شافت قلب مرمي عاباب الدار الشجر صار يسمع النهدات والحب عمر القصر بدون حجار شكرا يا انانا المبدعة يسعدلي صباحك ياغالية LOLITA
|
|
27-08-2008, 08:36 AM
| ||||||||||
| ||||||||||
| رد: عرفت كيف وصلت الاخبار ؟؟
[align=center] قولك ..معقول ما توصل الاخبار..؟؟؟ قلبين عاشو بنيران كاويي داقو البعد واستفقدو الحنيي وتمرمغو بالآآآآآه والآه يا ويلاااااه شوعذبت فيك وشو لوعت فيي حتى الطيور عاينت هالنار ... وع جناحها حملتلك الاخبار ..؟؟؟ صباحك فل وياسمين ...نبيل   [/align]
|
|
27-08-2008, 08:52 AM
| ||||||||||
| ||||||||||
| رد: عرفت كيف وصلت الاخبار ؟؟ [align=center]ما كنت صدق بتوصل الاخبار.. حتى الفراشة خبرتني اسرار عن فيقتك بكير وتروح ع مشاوير مطرح ما كنا نلتقي وبقلبك تقلي اغرقي وننسى بوقتا الناس ودرب الدار وتنقل الي تفاصيل هالمشوار صباح الخير وليد .. شكرا لردك المميز... صديقي [/align]
|
|
27-08-2008, 09:17 AM
| ||||||||||
| ||||||||||
| رد: عرفت كيف وصلت الاخبار ؟؟
[align=center] منحب ومنعشق ومننطر الاخبار حتى الزمن يا ما منطرنا واخبار عنك خبّى وما خبرنا ونقول يمكن بدرب الحياة تاهت الساعات والوقت ما فات ونقعد تحت فٌُي الورق ويمرق العمر كانو ما مرق لما علينا تهل اخبارو.. بعد القلب ما انكوى بنارو ويقول اسف تاخر الطيار ... لوليتا كلماتك نسيم رقيق ولحن يعزف موسيقى رائعة شكرا لك [/align]
|
|
27-08-2008, 10:08 AM
| ||||||||||
| ||||||||||
| رد: عرفت كيف وصلت الاخبار ؟؟
[align=center] يا فراشتي اللي حاملي مني خبار لما بترجعي من صوب هالمحبوب وبترقصي عبابها وبتقبلي هالدار احكيلي عن حبقتا اللي زادت بعطراا عطور وعن ياسمينتاا المتعلقة بسفار وعن دلقتا الميات عالمثور وعن كل نسمة نعنشت خدا بغار بحياة عمرك يا فراشتي اللي حاملي مني خبار من أي شي من ريحتا من بسمتا من طلتــا من حيرتا من لوعتا من شهد ريقا وشفتا جيبي معك تذكار. يسعد صباحك صديقتي: صاحبة الردود المتميزة.[/align]
التعديل الأخير تم بواسطة walid_gha2000 ; 27-08-2008 الساعة 10:35 AM |
|
27-08-2008, 10:57 AM
| ||||||||||
| ||||||||||
| رد: عرفت كيف وصلت الاخبار ؟؟ ياما مع النسمات وديت لك اخبار ومع طلوع الشمس بكير مع رجفة الميات جوا البير ياما حمل ضو القمر مني كومة حنين واوتار بتغني تاتوصل الاهات والاشواق وتكتب حكايتنا وراق وراق هالمي تحملها والهوا والطير وعن شوقنا تحكي كتير كتير وحتى الورد قررينقلّك الاخبار
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
المواضيع المتشابهه للموضوع: عرفت كيف وصلت الاخبار ؟؟ | ||||
| الموضوع | كاتب الموضوع | المنتدى | مشاركات | آخر مشاركة |
| (( نسمة )) . | ايشوع يوسف | الشعر | 8 | 27-03-2009 11:14 PM |
| غرفة التحقيق ..... الرياضية .. | Boodey | منوعات رياضية | 10 | 19-11-2008 08:37 AM |
| هلاَّ عرفت كيف أرسل قلبي ؟؟؟؟؟ | walid_gha2000 | الشعر | 12 | 28-09-2008 11:05 PM |
| نسمة ارق من النسيم .. اهلا بك. | Enana | المحطة | 13 | 16-07-2008 01:50 AM |
| مجلس الشعب يقر مشروع القانون الناظم لتملك غير السوريين للحقوق العينية العقارية الاخبار المحلية | الشاطر حسن | اخبار البلد | 0 | 18-06-2008 11:45 PM |
| إن الموقع لا يتحمل أي مسؤولية بالآراء المطروحة، و ليست
بالضرورة تمثل رأي الموقع |
 |  |  |  |  |  |
العرض العادي
